德甲:軒帥計好數拜仁細歎漢堡

163比分網 2017-10-21 21:02 字體【大中小】

10月21日21時記者從前線發來即時報道:德甲:軒帥計好數拜仁細歎漢... 投稿番號:163256922

72歲傳奇教頭軒歷基斯出山顯功架，拜仁慕尼黑喺聯賽先炒弗賴堡5比0，歐聯再贈些路迪3蛋，球員喺陣上重新展露笑臉，贏波過程從容不迫！不過球隊要3線作戰賽程緊密，以軒帥經驗，今晚喺德甲作客漢堡唔會去盡，入球大細中位數3.5球，黑柴推介1.85倍細盤。

留力德盃硬撼萊比錫

經過安察洛堤之亂同歐聯畀巴黎圣日耳門大炒，軒歷基斯上任首仗必須立威，結果大炒弗賴堡穩定軍心，剛周中歐聯主場對些路迪，對手實力唔強，軒帥仍然排出最強陣容，結果穩陣又贏3粒，固然末段已經有啲收手，但主力包括湯馬士梅拿、洛賓同羅拔利云度夫斯基都踢足全場，拜仁下周中會喺德國盃作客斗勁敵RB萊比錫，呢啲一場過淘汰賽唔可以掉以輕心，今晚難得遇弱，相信上述3名進攻重心會有得抖嚇，畀部分副選上陣磨練狀態。

漢堡近績回落，不過成隊波士氣唔差，今仗主力中堅柏柏杜普路斯停滿復出，防線復整。佢的究竟系過氣德甲老牌勁旅，主場對班霸特別重視，近3季聯賽主場對拜仁最多只凈輸1粒，以中位數3.5球計全開細盤，今晚漢堡想搶分難度好高，但黑柴相信拜仁要大勝亦唔易，捧細盤啦！

　　本文原創由163比分網獨家收集，轉載請注明出處。